Ոչ եւս է ''Opus Dei'' հասարակութեան մեծաւոր` գերապայծառ Խավիէ Էչեվարրիա։

(Ռատիօ Վատիկան) Երկուշաբթի` 12 դեկտեմբերի երեկոյեան իր հոգին աւանդեց առ Հայր, 84 ամեայ գերապայծառ Խավիէ Էչեվարրիա` Օփուս Տէյ հասարակութեան հիմնադիր, Սուրբ Խոսեմարիա Տէ Պալակերի յաջորդ` գերապայծառ Խավիէ Էչեվարրիա։

Ան ծնած էր Մատրիտի մէջ 1932-ին ուր եւ հանդիպած էր Սուրբ Խոսեմարիային եւ անոր քարտուղարը դարձած էր 1953-1975 տարիներուն։

1994-ին ընտրուած է ''Օփուս Տէյ''-ի մեծաւոր եւ Յովհաննէս Պօղոս Բ սուրբ Քահանայապետի ձեռքով ընդունած է եպիսկոպոսական օծումը` 6 յունուար 1995-ին։

''Գերապայծառ Էչեվարրիա եղած է խոնարհ ու ծառայասէր եկեղեցական մը որ հաւատարմութեամբ նուիրուած է Քրիստոսի ու Անոր եկեղեցւոյ'' ըսած է ննջեցեալի մասին  գերապայծառ Ֆերնանտօ Օքարիզ որ Գերապայծառ Էչեվարրիային փոխանորդն է ու անոր մատակարարած է նաեւ հիւանդաց օծումը, Անոր հոգին աւանդելէ մի քանի վայրկեաններ առաջ։  

Ի լուր գերապայծառ Էչեվարրաղի մահուան Ֆրանչիսկոս Սրբազան Քահանայապետը ցաւակցական հեռագիր յղեց որուն մէջ իր խոր ցաւն ու կսկիծը յայտնեց մատնանշելով հանգուցեալ  հոգեւորականի օրինակելի կեանքին ու նուիրումին ի սպաս եկեղեցւոյ եւ հաւատացեալներուն, Աստուածմէ հայցելով անոր հոգւոյն յաւիտենական հանգիստ։